Eth aigardentaire (occitan)

Eth aigardentaire…

Eth aigardentaire qu’é eth que distilla nath compde deths proprietarisque s’amassan eras herutas o que s’an sauvat era vrenha. Que i a proprietaris qu’an un privilègi que les balha eth dret de hèr 20 litres d’alcòl pur a 50°. Aqueth dret qu’arrepuja ath Prumèr Empiri, uns quantis còps adobat, limitat o carrament suprimat ua estona, n’é cap mès ereditari despuish era lei deth 30 d’aost de 1960. Eths vielhis qu’an dejà hèt aigardent au mens un còp pendent eras tres campanhas abans era de 1959-1960, que’s sauvan eth dret entrò que’s mòran. Aué, era allocacion volentària o alcòl libre que permet a tot ciutadan de’s hèr distillar eras herutas enà elaborar aigardent. Per un litre d’alcòl a 50°, 4 € 30 que son taxadis peras Doanas e 4 € 70 que son pagadis nath aigardentaire nara faiçon (prètzes de 2018). Atencion, aquera produccion « marginala e familiala » pòt cap èster venuda !

Preparacion conselhada

Amassar eras herutas maduras e botar-las en ua barrica en tot abarrejar-las regularament quan començan de borir. Quan borish coma cau, que i a un desgatjament gasós. Que borish en mejana pendent cinc setmanas. Un còp qu’é acabat, (quan totis eths sucres sont estats cambiats en alcòl), que cau imperativament conservar eras herutas ath abric deth oxigèna e que cau donc qu’eths arrecipients sián ermeticament barrats e plaçats en un endret hered.

Conservacion deth aigardent

Après era distillacion, que cau demorar un pòc enà qu’eth aigardent se pèrda era rugositat, nà que siá mès « soganta ». Que pren atau arrondor e qu’arrevèla eths sòns aròmes. Cau cap tapar fèrmament eras bombonas pendent ua detzena de diás enà facilitar eths escambis, notadament eras evacuacions de còses volatiles e parasites. Pujar eth aigardent en solèr : exposada aras temperaturas extrèmas deth estiu e deth ivèrn, qu’é aquiu que i vielhirà a plaser.

Que’m desplaci actualament en nau talhèrs publics : Montagut de Plantaurel, Arnava, Saurat, Eishelh, Cescau, Sent Lari, Bèthhag e Alzen.